مساكين شباب الرياض
وانا رغم اني جالس بالرياض اسبوعين الا اني حسيت بمعاناتهم صراحة ..
واقول الحمد لله اني مابطول فيها ...
انا من النوع صراحة اللي ينبسط بالرياض .. لكثرة الاصدقاء والمعارف الطيبين .. والجلسات الحلوة
لكن الوضع الان تغير .. احس انهم مخنوقين وانا حسيت بالخنقة ..
مساكين .. والله
كل مايروحوا مكان يقولوا لهم عوائل .. يالله فارق
يروح السوق الفلاني مافي عوائل ظف وجهك
يروح يبغى يتمشى يبغى ينبسط مافي فارق ورنا مقفاك ..
مافي غير الملاعب ويالله تجي مباراة تستاهل الواحد يحضرها ويروح يشوفها ولا يروح المقاهي
اللي هي بكل صراحة متنفس شباب الرياض ..
لما كنت بجدة ماشفت الشي ذا
صراحة
قريت موضوع عقب عليه الكاتب الكبير عبدالله با جبير
وكان يوضح رسالة من شاب سعودي يشتكي هذه المشكلة ويقول انه
سال المسؤولين في الأسواق عن سبب تمسكهم الكبير في عدم دخول الشباب والتشديد الكبير جدا في هذا .. وانه الاسواق للعوائل فقط ..
فرد عليه بان هذه اوامر من هيئة الامر بالمعروف والنهي عن المنكر
جا راح المسكين لواحد صاحبه في الهيئة وهو مسؤول فيها .. رد عليه راعي الهيئة وقال : مافي اوامر ولا شي .. بس هم يصرفوك ..
اخر شي اقترح انه كل شاب يكون معه وثيقه مثل الرخصة .. لشهادة حسن سيرة وسلوك
يظهرها حين دخوله الى الاسواق والاماكن العامة .. ليتمتع بحقوقه فيها ..
وفي حالة المخالفة او الامساك بشخص يقوم بالحكحكه (كما يسميها بو محكم ) والمغازلة فانه يدفع مبلغ وقدره وتعطى هذه الاموال لمكتب اعانة الشباب على الزواج ..
مساكين شباب الرياض والله ..
تعرفوا حقها تروحوا عند باب المقاهي تحطوا لوحه تكتبوا فيها ممنوع العوائل
مع انه ماحد عنده عائله بيمر او بيدخل .. بس تعبروا عن طريقة احتجاجكم
جدة وبس
اخاف بس من التشدد حقهم يخلوا الحرم المكي يوم عوائل ويوم عزاب ..
ياناس مو كل شباب الرياض سيئين ولا كيف
عندكم مثال اخوكم بو حضرم .. ماله في اللف والدوران .. عاقل ان راح السوق اشترى غرضه ورجع
والله لو تشوفوا كيف تحايلت على الحرس حق سوق الفيصلية بتموتوا ضحك
اهم شي اني دخلت والحمد لله غصب
مع انه كان بيني وبين واحد تحدي
على فكرة مسمس اتصل بي وانا وصاحبي قاعدين من باب الى باب في الفيصلية نحاول ندخل ..
واتصل بي وقعدت اشكي له وعطاني خطة للدخول قديمة جدا .. كنا نسويها ايام ماكان مافي شي ممنوع على الشباب والعزابية ..
مسكين مسمس يحسب الرياض كما جدة
والمثل يقول : في الرياض جــــــــــــــــور ولكن جدة غير